මකුළු දැල

 තැනක් නොතැනක් නැතිව හැදෙන Data බඩගින්න

             

             

        නවීන සමාජයත් සමග උරෙන්උර ගැටෙමින් තරගකාරීව ගමන් කරන මිහිපිට මිනිසාට නවීන සන්නිවේදන මාධ්‍ය අත්‍යවශය සාධකයක් බවට පත්වී ඇත. කාල කලමණාකරනයට සහ සිය වැඩකටයුතු පහසුකර ගැනීම සදහා වැඩිදෙනෙකු මෙම නවමාධ්‍ය භාවිතයට හුරුපුරුදු වී ඇතත් එයින් කොටසක් සමාජයේ ඉහළ පැලැන්තිය යැයි වැජඹීමට දරන පුහුමාන්නයක් ලබා ගැනීම සදහා මේ නවමාධ්‍ය භාවිතයට යොමු වේ. ඒ කුමන කරුණක් හේතු සාධක කරගෙන හෝ මෙම නවමාධ්‍ය භාවිතයට ලොකු කුඩා සෑම සමාජ කණ්ඩායමක්ම යොමුවීම සුලභ පුරුද්දකි. මෙම නවමාධ්‍ය අතුරින් අන්තර්ජාල ප‍්‍රවේශය බොහෝ දෙනෙකුගේ දෛනික පුරුද්දක් වන අතර එයට අත්‍යවශය සාධකයක් ලෙස Data  හෙවත් දත්ත ලබා ගැනීම කාහටත් දැනෙන කරුණකි. Mobitel, Dialog, Airtel,   Hutch ආදී වු කුමන ආයතනයකින් වුවත් ප‍්‍රධාන අලෙවි නිෂ්පාදනයක් ලෙස Data card හදුනා ගත හැකිය. පාරිභෝගිකයා අල්ලා ගැනීමේ ප‍්‍රධාන බලවේගයක් ලෙස මෙම Data හදුන්වාදීම වර්තමාන සමාජයට අනුව පෙන්වා දිය හැකිය.  

                    අන්තර්ජාලය ඔස්සේ Facebook, Viber, Imo, Youtube, Messanger ආදී වු කුමන සමාජ මාධ්‍යයක් සලකා බැලූවහොත් මෙරට පුද්ගලයන්ගෙන් 90% පමණ මෙම එක් සමාජමාධ්‍යයක් හෝ භාවිතා කරයි. ඒ හරහා මිතුරන් සමග චැට් කිරීමට, ටෙලිනාට්‍ය සින්දු නැරඹීමට ඔවුන් වැඩි වශයෙන් යොමුවී ඇති අතර එහිදී ඔවුනගේ  මෙම අවශ්‍යතාවයන් කරගත් පුරුදු සපුරාලයි. වැඩි වශයෙන් මෙම Data  හරහා Youtube සමාජ මාධ්‍ය ඔස්සේ ටෙලිනාට්‍ය නැරඹීමට සමාජයේ බොහෝ පිරිසක් යොමු වී ඇත. වර්තමානයත් සමග බලන විට දෙවෙනි ඉනිම ඔවුනගේ ජනපි‍්‍රයතම ටෙලිනාට්‍ය වී ඇත. සමාජයේ ලොකු කුඩා කාගෙත් උන්මාදයක් වු මෙම Data ඇබ්බැහිය හදුනා ගත් බොහෝ ජනපි‍්‍රයතලයේ ගායකයින්ද සිය ගීතයන්  Youtube වැනි සමාජ මාධ්‍ය ඔස්සේ ජනපි‍්‍රය කරගැනීමට යොමුවී ඇත. තත්පරයක් වැනි සුළු කාලයක් තුලින් මෙම අන්තර්ජාල ප‍්‍රවේශයට දසලක්ෂ ජනකායක් ඇතුලත් වීම මත මෙම Data පෙරලිය සමාජ ගින්නක් බවට පත්වී ඇතිබව නොරහසකි.

                අත ඇති ස්මාර්ට් දුරකථනය මගින් අන්තර්ජාලය පුරා සැරිසැරීම තරුණ කා අතරත් ජනපි‍්‍රයම ඇබ්බැහියකි. මගතොට වුවත්, බස්රථයෙ,් දුම්රියේ යනඑන කුමන තැනක සිට හෝ තම දුරකථනය මගින් අන්තර්ජාලය පුරා සැරිසැරීමට කාගෙනුත් ඔවුනට බාධා නැත. ඇති එකම බාධකය වන්නේ ඇති පමණට DATA  ගැනීමයි. දෛනිකව මිළදී ගන්නා මෙම Data card පෙරළිය බඩගින්නට එහා ගිය කුසගින්නක් ඇති කරමින් තරුණ පිරිස් ඇබ්බැහි කරගෙන අවසන්ය. අන්තර්ජාලය පුරා සැරිසරන මෙවැනි මාධ්‍ය ලෝලීන් තම උපයන ධනයෙන් මෙවැනි පරිභෝජන කි‍්‍රයාවලියන් සදහාද හරි අඩකඩ වඩා වැඩි ප‍්‍රමාණයක් මසකට වැයකරන බව ඔවුනට මතක නැත. ඔවුන් සිතා බලනුයේ ඒ මොහොතේ තමාට පවතින අවශ්‍යතාවය පමණි. නමුත් එය තමන්ගේ පොකට් එක එම්ට් පොකට් කරනවා පමණක් නොව අනාගතයද එම්ට් පොකට් කරගන්නට පාර කපන බව මතකයේ රදවා ගතයුතුය. තමාට ඇතිවන සියලූ සිතුවිලි වලට කි‍්‍රයාකරන්නට ඉඩදී බලා සිටීම ඉදිරි අනාගතයට බලපෑමක් වේ. එම නිසා අවශ්‍යතාවන්ට සරිලන ලෙස ජීවිතය මෙන්ම ආර්ථීකයද කළමණාකරනය කර ගැනීම කාලීන සමාජයට අනුව වඩාත් උචිත වේ. 

                   අන්තර්ජාල ප‍්‍රවේශය හරහා අදවන විට විශාල කාර්යබාරයන් රැසක් පහසුකර ගන්නවා සේම එමගින් යම් විටක කාලයද ආර්ථීක මට්ටම ද ඉතිරි කරගැනීමට හැකිවන අවස්ථා නැතිවාම නොවේ. අනාගතය ගොඩනගන තරුණ කණ්ඩායම් වශයෙන් එම කළමණාකාරීත්වය ද ඉතාමත් වැදගත් වේ. නමුත් එක් එක් කූට වෙළද උපක‍්‍රමයන්ට ගොදුරු වී තම අවශ්‍යතාවන්ට එහාගිය ඇබ්බැහිකම් මෙම අන්තර්ජාලය හරහා එකතු වේ. එයට හොදම නිදර්ශනය වන්නේ  Youtube  ඔස්සේ ටෙලිනාට්‍ය නැරඹීමට හුරුවීමයි. පසුගිය ටෙලිනාට්‍ය කොටස් පවා නැවත නැවත නැරඹීමට ඔවුන් හුරුපුරුදු වී අවසන්ය. නමුත් එවැනි දේ කෙරෙහි ඇබ්බැහි වීම මත නැතිවම බැරි අවශ්‍යතාවක් බවට පත්වේ. එමගින් මෙහොතකට වින්දනාත්මක රසයක් පමණක් තමාට ලැබෙන අතර ව්‍යාපාරික ධනවතුන් පොහොසත් කිරීමට නම් හැකියාව ලැබේ. එම නිසා මේ ගැන කල්පනාකාරීව සිතා බැලිය යුතුය. තැනක් නොතැනක් නැතිව හැදෙන Data කුසගින්න සංසිදු වීමට වඩා තමන්ගේ අනෙකුත් අවශ්‍යතාවන් වෙනුවෙන් කටයුතු කිරීමට හුරුපුරුදු වීම අද ගොඩනගන හෙට අනාගතය සුභදායික වනු ඇත.