තරුණ පරපුරේ පුවත්පත් කියවීම මොටකල මාධ්‍ය ඇබ්බැහිය
”කියවීම මිනිසා සම්පුර්ණ කරයි” යන ආදර්ශමය පාඨයට අනුව මිනිස් කි‍්‍රයාකාරකම් අතර කියවීමට ප‍්‍රබල ස්ථානයක් හිමිවේ. නවකතා, කෙටිකථා, පුවත්පත්, සගරා ආදී නොයෙකුත් අංශයන් යටතේ අප කියවීම සිදුකරයි. මෙලොව සිටින සත්ව කොට්ඨාසයන්ට අනුව බලන විට භාෂාවෙන් නිසිපරිදි හැසිරවිය හැක්කේ මිනිසාට පමණ ලිවීම, කියවීම, සන්නිවේදන හැකියාව ප‍්‍රගුණ කර ඇත්තේ මිනිසා පමණි. ඒ අනුව බලන විට මිනිසා දැනුමින් අත්දැකීම් වලින් මෙන්ම කුසලතාවෙන් පරිපුර්ණවන්නෙකු වන්නේ මෙම කියවීමේ හුරුව නිසාවෙනි. දැනුම ලබාගැනීමට නම් අපගේ කියවීමේ හුරුව දියුණු කර ගැනීම අත්‍යවශය කාර්යකි.
පුවත්පත ලෙස හදුනාගන්නේ දෛනිකව භාවිතා වන සමාජ, ආර්ථීක, දේශපාලන ආදී තොරතුරු රැසක් ඇතුලත් තොරතුරු ලේඛනයක් බව සරලව දැක්විය හැකිය. දවසක් තුල හෝ සතියක් තුල රට ඇතුලෙහි සිදුවන සිදුවීම් මෙන්ම විශේෂාංගයන් වාර්ථා වන පුවත්පත අප කියවීමේ මාධ්‍යයන් අතර ප‍්‍රධාන තැනක් ගෙන පැවතුනි. නමුත් වර්තමානය වන විට සමාජයේ ජීවත්වන කණ්ඩායම් අතුරින් තරුණ පරපුර මෙම පුවත්පත් කියවීමෙන් දුරස්වීමක් පෙන්නුම් කරයි. කියවීමට හුරුවී සිටි ඔවුන්ගේ සිතීමේ හැකියාව, ආකල්ප වර්ධනය දැන් දැන් මොටවෙමින් තිරයක් ඉදිරියේ දෑස් ඇර ගොළුවත රැකීමේ පුරුද්දක් ඇතිකරගනිමින් සිටි.
වර්තමාන සමාජය තුල ස්මාර්ට් දුරකථන යන්ත‍්‍රයක් රූපවාහිනියක් භාවිතයෙන් තොරව සිටින පුද්ගලයකු සොයා ගැනීම කල නොහැකි තත්වයකි. අවශ්‍ය සියළු තොරතුරු සුළු වේලාවක් තුල මෙවැනි මාධ්‍යයන් තුලින් ලබා ගැනීම ඔවුනගේ දෛනික පුරුද්ද වී අවසන්ය. නමුත් එවැනි දේ කෙරෙහි පුරුද්දට එහා ගිය ඇබ්බැහියක් ඇති කර ගැනීම තමාගේ කියවීමට ඇති යහපත් පුරුද්ද මොටකරන්නට පවතින හැකියාව දිනෙන් දින වැඩි වන බව ඔවුනටම අමතක වෙමින් සිටි. කියවීම ශාරීරිකව මෙන්ම මානසිකව අත්‍යවශය කි‍්‍රයාවලියක් බවට පත්කරගත් පුද්ගලයා ආකල්පමය වශයෙන් බුද්ධිමත්ව සිතා බලන්නට හුරුවේ. ඒ සදහා හොදම කියවීමේ අංශය බවට පුවත්පත තෝරාගැනීම නිවැරදි බව සිතිම වැරදි නොවෙනු ඇත. මන්ද පුවත්පත වු කලී විවිධාංගීකරණයට ලක් වු විෂය කේෂ්ත‍්‍රයක් යටතේ දෛනිකව අලූත් වන සමාජයේ ප‍්‍රබල මෙහෙයුම් කාරකයක් වීමයි. එම නිසා තරුණ පරපුර වශයෙන් දැනුම ගවේශකයෙකු මෙන්ම රටේ සියලූ තොරතුරු පිලිබද අවබෝධය ද ඉතාමත් වැදගත්ය. ඒ පිළිබද අවබෝධයක් ඇති යම් පිරිසක් තරුණ කණ්ඩායම් අතර අදටත් සිටිම සතුටට කරුණක් වේ. නමුත් මාධ්‍යකරණයේ පෙරලියත් සමග පුවත්පත් කියවීමද අන්තර්ජාලය හරහා සිදුකිරීමේ පුරුද්දක් දැන්‘ දැන් තරුණ පිරිස් අතර ජනපි‍්‍රය පුරුද්දක් වෙමින් පවතී. නමුත් එය කායිකව මෙන්ම මානසිකවද තමාට බලපෑම් ඇති කරන බව සිහිතබා ගැනීම වැදගත්ය.
සන්නිවේදනයේ දියුණුවත් සමග මුලින්ම පැමිණි මුද්‍රිත මාධ්‍යයට අනුව අපගේ තොරතුරු ලබා දෙන ප‍්‍රධාන මාධ්‍ය බවට පුවත්පත පත්වී පැවතුනි. නමුත් දවසින් දවස දියුණුවන සන්නිවේදන ක්ෂේත‍්‍රයේ බිහිවන මාධ්‍ය නිසා මිනිසා පුවත්පත් භාවිතයෙන් ඈත් වෙමින් සිටි. එය අන්තර්ජාලය හරහා පුවත්පතද කියවීමේ කි‍්‍රයාවලියක් ආරම්භ කල දා සිට තවත් උග‍්‍ර වශයෙන් පුවත්පත් භාවිතයෙන් ඈත් වීමක් පෙන්නුම් කලහ. අවිවේකී සමාජ රටාව තුල කාලය කලමණාකරණය තරුණ ප‍්‍රජාවට ප‍්‍රධාන ගැටළුවකි. එම නිසා අන්තර්ජාලයේ පහසු ක‍්‍රමවේදයන් භාවිතය වැනි ක‍්‍රමවේදයන් කෙරෙහි උනන්දුවක් දැක්වීමට ඔවුනට සිදුවී ඇත. මෙම ගැටළුව හදුනාගත පුවත්පත් ආයතනයන්ද තම නමින් අන්තර්ජාල සේවාවක් ආරම්භ කිරීමට හුරුවිය. ලාභය ප‍්‍රධාන පරමාර්ථය වීම මෙයට ප‍්‍රධාන හේතු සාධකය විය. නමුත් මෙවැනි ක‍්‍රමවේදයන් භාවිතයට වඩා ඇබ්බැහි වීම තමාගේ ශාරීරික මෙන්ම මානසික වශයෙන්ද ප‍්‍රධාන ගැටළු රැසක් ඇති කරන බවද සිහිතබා ගත යුතුය.
යුනෙස්කෝ සංවිධානයට අයත් ජර්මන් කොමිෂමේ සිටි ඞීටර් ඔෆන්හොයිස ඉදිරිපත් කල අදහසට අනුව,
”නිතිපතා පුවත්පත් කියවීම අපගේ ආකල්ප වලට, හැසිරීමට, සහ අත්‍යවශය සදාචාරමය ගතිපැවතුම් වලටත් බලපෑමක් ඇති කරනවා”
ලෙස පවසා ඇත. එම නිසා පුවත්පත වැනි සන්නිවේදන මාධ්‍යයක් හරහා තම කියවීමේ රුචිය වර්ධනය කර ගැනීම තමාට වාසි රැසක් අත්කර දෙන බව අවබෝධ කර ගත යුතුය. එම නිසා අනාගතය නිර්මාණය කරන තරුණ පිරිස මෙම කියවීමේ හුරුව වර්ධනය කර ගැනීම අදවන විට අත්‍යවශය කාර්යබාරයකි. එම නිසා පුවත්පත් භාවිතයට මෙන්ම කියවීමට ද තොරතුරු අවබෝධකර ගැනීමටද යොමු වීම ඉතාමත් වැදගත්ය.
කියවීමේ රුචිය මොට කරන මාධ්‍ය භාවිතය නිසා එයට ඇබ්බැහි වුවෙකු නොවී එම මාධ්‍ය පරිහරණයේ වැදගත්බව වර්තමාන තරුණ පරපුර අවබෝධ කර ගත යුතුය. පුවත්පත් කියවීම තමාගේ දෛනික පුරුද්දක් බවට පත්කර ගැනීම මිස එම පුරුද්ද මොට කර ගැනීම තමාගේ කියවීමට පවතින පුරුද්ද මොට කර ගැනීම හා සමානය. එම නිසා පුවත්පත වැනි සන්නිවේදන මාධ්‍යයක් දෛනිකව භාවිතයට ගනිමින් තම කියවීමේ යහපත් පුරුද්ද ඔස්සේ තම ආකල්පයන් හැසිරීම් ක‍්‍රමවේදයන් මෙන්ම තම සිතීමේ ශක්තියද වර්ධනය කර ගැනීමට වර්තමාන තරුණ පරපුර උනන්දුවීම මෙන්ම පුරුදු වීම අත්‍යවශය අංගයකි. එය ඔබගේ කියවීමේ රුචිය පමණක් නොව ඔබගේ අනාගතය නිර්මාණය කර ගන්නට අවශ්‍ය දැනුම් සම්භාරයක්ද එකතු කරයි.
Keep it write
ReplyDeleteThanks chala
Deletewell done steak
ReplyDeletethanks chami
DeleteGood All The Best M.Nangi
ReplyDeletethanks banu
DeleteGood All The Best M.Nangi
ReplyDeleteGreat
ReplyDeletekeep it up nangi
ReplyDeletegreat
ReplyDelete