මිත්‍යාවෙන් අන්ධ වන අපේ ඇස
මිත්‍යාව යනු සරලවම නැති දෙයක් ඇති ලෙස පිළිගැනීම හෝ ඇති දෙයක් නැති ලෙස පිළිගැනීම ලෙස අර්ථකතනය කල හැකිය. නමුත් මෙම මිත්‍යාව දකින ආකාරය අනුව පුද්ගලයාගෙන් පුද්ගලයාට වෙනස් වේ. වර්තමානය වන විට මිත්‍යාව මායාවක් වී පවතින අතර පුද්ගලයාට දැකීමට ඇති දුර දැකීමේ ඇස් මානයන්ද මායාව හෙවත් මිත්‍යාව තුළින් යටවෙමින් පවති. මිත්‍යාව යන්නට නිවැරදි අර්ථකතනයක් ලබාදිය නොහැකි අතර එයට හේතු සාධක වී ඇත්තේ නැති දෙය සහ ඇති දෙය ද කෙනාගෙන් කෙනාට, සමාජයෙන් සමාජයට වෙනස් වන්නේ මොහොතින් මොහොත වීමයි. අතීත මිනිසා තම දැනුම් මට්ටමට අනුව මිත්‍යා සංකල්පයන් මත හිදිමින් තම දෛනික චර්යාවන් සකසුරුවම් කර ගත්හ. දේව ඇදහිලි, චාරිත‍්‍ර වාරිත‍්‍ර මේ අතර ප‍්‍රධාන වන අතර මිත්‍යාව යන්න බොහෝ විට අතීත මුතුන්මිත්තන්ගේ අන්ධ විශ්වාසයන් බවට පත් වන්නට විය. මැවීම හෝ පිළිගත නොහැකි දෙයක් ඇති ලෙස මවා පෑම මෙහි ස්වභාවයයි. අදවන විට මෙම මිත්‍යාව යන්න හිසමුදුනින් පිළිගෙන පේ‍්‍රක්ෂකයා වින්දනය ලබයි. මාධ්‍ය කලාවන් අතුරින් මිත්‍යාව යන්න විමසා බලන විට සංස්කෘතිමය වශයෙන් විශාල පෙරළියක් මේ හරහා සිදුකරමින් සිටි. ව්‍යාපාර ප‍්‍රජාව බහුල වශයෙන් සිය වෙළඳ උපක‍්‍රමයක් බවට මෙම නොදකින මායාව උපයෝගි කරගනිමින් සිටි.
මුල දී ස්වභාවධර්මයේ පැවති යම් යම් ස්වභාවික ලක්ෂණයන් වටහා ගැනිමට මානවයා අසමත් වීම නිසා ඒ කෙරෙහි බිය, සැක, කුතුහලය මුසු ආකල්පයක් සහිතව කටයුතු කිරීමට යොමු විය. නමුත් මානව පරිණාමයත් සමඟ මෙම ආකල්පයන්ද වෙනස් මාවතක් කරා යොමු කරන්නට යොමු විය. මුල් සමාජය තුල ස්වභාවික සංසිද්ධින් සිදුවන ආකාරය නිවැරදිව අර්ථකතනය කර ගැනීමට තරම් දැනුම් මට්ටමක් නොමැති වීම නිසා එම සංසිද්ධින් ගුප්ත මිත්‍යාමය සංකල්පයන් මත හිදිමින් විග‍්‍රහකර ගන්නට උත්සහ කලහ. බිය නැමැති සංකල්පය නිසා එහි යථාර්තය අවබෝධ කර ගැනීමට උත්සුක නොවී එය කිසියම් අදෘශමාන බලවේගයන්ට පවරා දී නිශ්ශබ්ද වීමට හුරුවී ඇත. මේ අදෘශ්‍යමාන බලවේගය සතුටට පත්කර සිය පැවැත්ම නිරුපද්දිතව පවත්වා ගැනීම සදහාම පුරාණ ගෝත‍්‍රික ජනතාව විවිධ අභිචාර විධිවලට යොමුවී තිබේ. මිත්‍යාව නැමැති නොපිළිගත හැකි සත්‍යයතාව නැමැති මායාවේ ආරම්භය ඒ ආකාරයෙන් නිර්මාණය වු අතර එය මිනිසාගේ ක‍්‍රමික පරිවර්තනයත් සමඟ විද්‍යාත්මකව විග‍්‍රහ කර නිරාකරණය කර ගන්නට හැකි විය. අර්ථ දැක්වීම් සමග විමසා බලන විට පෝල් රිකුවර්ගේ මතයට අනුව,
”මිත්‍යාකල්පිතය කියන්නේ ලෝකය, එහි ඉතිහාසය සහ එහි දෛවය ගැන කියනවට වඩා වෙනස් කාරණයකි.”
වැනි අදහසක් ඉදිරිපත් කලහ. ප‍්‍රාථමික සමාජයට වඩා වර්තමාන සමාජය මෙම මිත්‍යා මතයන්ගෙන් දුරස් වීමක් පෙන්නුම් කලද කලාවක් ලෙස පැමිණෙමින් එය ප‍්‍රාථමික සමාජයට වඩා ජන ජීවිතයට ඇතුලත් වී ඇත. ටෙලිනාට්‍යකරණය, කාටුන් කලාව, දැන්වීම් කලාව මෙන්ම රියැලිටිකරණය හරහා මෙය ජනපි‍්‍රය සංස්කෘතික කලාවක් ලෙස ජනයා අතරට පැමිණ ඇත. මිත්‍යාමය නිර්මාණකරණයන්ට යටවන මෙවැනි කලාවන් හරහා ජනතාව මිත්‍යා ආකල්පයන්ට යොමුවී අවසන්ය. ටෙලිනාට්‍යකරණය ගත්විට අද බොහෝ පේ‍්‍රක්ෂක ජනතාවක් අතර ජනපි‍්‍රය වී ඇත්තේ මෙම මිත්‍යාව මිශ‍්‍ර වු ටෙලිනාට්‍ය කලාවකි. පේ‍්‍රමදඩයම, මහරජ කන්සා, අධිරජ ධර්මාශෝක වැනි බොහෝ ටෙලිනාට්‍ය ජනපි‍්‍රය තලයට ගෙන ආවේ මෙම මිත්‍යාව හරහාය. රූපවාහීනි කාටුන් කලාව තුලත් මිත්‍යාව රජකරන සංකල්පයක් වී ඇත. කුඩා දරුවාගේ සිට තරුණ පරපුර දක්වා ආකර්ශනිය කලාවක් ලෙස මෙම රූපවාහින් කාටුන් කලාව දෑස් ඉදිරිපිටට ගෙන අවසන්ය. කූට වෙළද උපක‍්‍රමයන් දෙස බලන විට ඒ හරහා මවාපෑ ඇත්තේ මෙම මිත්‍යාව නැමැති සංකල්පයයි. තම නිෂ්පාදනය වැඩි පාරිභෝගික පිරිසකගේ අත අලෙවි කර ගැනිමේ පරම ප‍්‍රාර්ථනය මත මිත්‍යාව ප‍්‍රබල ආයුධයක් කර ගනිමින් තිරයක් ඉදිරියේ දර්ශනය කරන්නට උත්සහ ගනී. මේ ආදී කුමන අංශයක් විමසා බැලූවද අදවන විට මිත්‍යාව නැමැති සංකල්පය යටතේ ගිල්ලවා තබා අවසන්ය.එයට අපේ ඇසද සුක්ෂම ලෙස අන්ධ කර දොරගුළු දා අවසන්ය.
මොහොතකට ඔබ අවට ඔබ නිතර දකින නෙත ගැටෙන දේ විමසිලිමත්ව බලන්න. ප‍්‍රාථමික සමාජයේ නොදැනුවත්බාවය මත පිළිගත් ඒ අදෘශ්‍යමාන මිත්‍යාව නැමැති සංකල්පය දැනුමින් පිරි පරිපුර්ණ මොළයක් දියුණු සමාජයක ජීවත්වන අද මානවයාට හිමිවුවත් තවමත් ප‍්‍රාථමික සමාජයට යටපත් වී තිබේදැයි ඔබට පසක් වේ.කටට ගන්නා ආහාරයේ සිට මොළයෙන් සිතන සිතුවිල්ල දක්වා ඔබ මිත්‍යාව නැමැති සංකල්පයට මැදි වී සිටින අවස්ථාවන් කොතෙකුත් ඔබට හමුවිය හැකිය. එය මෙම ජනපි‍්‍රය සංස්කෘතිය හරහා මිත්‍යාව තුලින් කල සමාජ පෙරළියයි. මිත්‍යාව වරෙක ආකර්ශනීය නිර්මාණයක් සදහා වු ශෛලියකි. එය වරෙක මෙම මිත්‍යාව නැමැති ආකල්පය මත හිදිමින් කල නිර්මාණයන් තුලින් හදුනාගත හැකිය. එය නිර්මාණ කලාවට වෙනමම කලාවක් එකතු කලහ. නමුත් බුද්ධි මට්ටමින් ඉහළ ස්ථානයක සිටින වර්තමාන මිනිසා බුද්ධියෙන් මිත්‍යාව පිළිබද වටහා ගනිමින් අන්ධ විශ්වාසයන්ගෙන් මුලා නොවී වරෙක එළිදැක්වෙන මිත්‍යාව හරහා නිර්මිත නිර්මාණාත්මක රසය ලබාගැනීම යතාර්ථවාදී වේ. එය ජනපි‍්‍රය සංස්කෘතික වපසරිය තුල මිත්‍යායාව ආයුධයක් කර ගනිමින් මිනිසා අතරමන් කරන්නට උත්සහ ගන්නා මායාලෝකයට එහා ගිය ජීවිත යතාර්ථයක් දැක ගැනීමට අවශ්‍ය දුර දැකීමේ දෑසක් ලබා දෙයි.
niyamai
ReplyDeletenice dr..
ReplyDeleteThis comment has been removed by the author.
ReplyDeleteවර්තමානයට ගොඩක් වටින අදහසක්...දිගටම ලියන්න
ReplyDeletekalathurakin kiyawena adahasak...watinawa
ReplyDelete