මකුළු දැල

                                 
                            යුවතියන්ගේ සම සුදු කිරීමේ උන්මාදය
                               
                 

                               

                 ලෝ තලය තුල බිළිදෙකුගේ උත්පත්තියෙන් පසු දරුවාට මව්පිය ජානයන් මත හෝ එයට වෙනස් ලෙස ශරීරි පැහැය ලැබේ. එහි දී වැඩි ප‍්‍රතිශතයකට අනුව මවගේ හෝ පියාගේ ශරීරි වර්ණයන්ට දරුවා හිමිකම් කියයි. ස්වභාවිකව හිමිවන සමේ පැහැය ගැන කථා කරන විට පුරුෂ පාර්ශවයට වඩා ශරීරයේ පැහැය හෙවත් වර්ණය පිළිබද කථාබහ කරන්නන් අතර කාන්තාවන් ප‍්‍රධාන තැනක් ගනී. කාන්තාවක් වශයෙන් තමන් පිළිබද සැලකිලිමත් වන විට ශරීරයේ පැහැයට මුලිකත්වයක් ලබා දී ඇත. අද වන විට බොහෝ යුවතියන් සුදු වීමට බොහෝ කැමැත්තක් දක්වයි. යුවතියකගේ රූ සපුව වැඩි කරන අංගයක් ලෙස ශරීර පැහැ ලෝ තලය තුල බිළිදෙකුගේ උත්පත්තියෙන් පසු දරුවාට මව්පිය ජානයන් මත හෝ එයට වෙනස් ලෙස ශරීරි පැහැය ලැබේ. එහි දී වැඩි ප‍්‍රතිශතයකට අනුව මවගේ හෝ පියාගේ ශරීරි වර්ණයන්ට දරුවා හිමිකම් කියයි. ස්වභාවිකව හිමිවන සමේ පැහැය ගැන කථා කරන විට පුරුෂ පාර්ශවයට වඩා ශරීරයේ පැහැය හෙවත් වර්ණය පිළිබද කථාබහ කරන්නන් අතර කාන්තාවන් ප‍්‍රධාන තැනක් ගනී. කාන්තාවක් වශයෙන් තමන් පිළිබද සැලකිලිමත් වන විට ශරීරයේ පැහැයට මුලිකත්වයක් ලබා දී ඇත. අද වන විට බොහෝ යුවතියන් සුදු වීමට බොහෝ කැමැත්තක් දක්වයි. යුවතියකගේ රූ සපුව  ය හැදින්විය හැකිය. එමගින් ඇයට අනෙකුත් පුද්ගලයන්ගේ ආකර්ශනය ලැබේ. මඟ තොටකදී හමුවන දැකුම්කළු කාන්තාවක් දුටු කවරෙකු වුවද ඇය දෙස බැලීම ස්වභාවික සංසිද්ධියකි. ආකර්ශණීය කවරෙකු දුටු වුවත් අපගේ නෙත් ආකර්ශනයට ලක් කරයි. එම නිසා යුවතියක් වශයෙන් තම  රූ  සපුවෙහි සුන්දරත්වය පිළිබද සැලකිලිමත් වීමේදී ශරීරයේ පැහැය රැක ගැනීමට මුලික අවධානයක් යොමු කරයි. අතීතයේ ලලනාවන් තම රූ සපුවෙහි වර්ණය සදුන්, කුංකුම, කහ වැනි ස්වභාවික ද්‍රව්‍යයන් ශරීරයේ ආලේප කරමින් රැක ගත්හ. එහිදී සුදට වඩා පැහැපත් බව රැක ගනිමින් රන්වන් රුවක් ලබා ගැනීමට අතීත ලලනාවන් කි‍්‍රයා කල අතර කෘතීම ද්‍රව්‍යයන් භාවිතා නොකලහ. ශරීරයට හානිකර කිසිදු ද්‍රව්‍යයක් ශරීරයේ ගැල්වීමට එකල කාන්තාවන් යොමු නොවු අතර ජීවිතය සොබාදහම සමග හැදී වැඩෙන්නට ඉඩ හරින ලදී.

                                   

                                      යුවතියන්ගේ රූ සපුව පිළිබදව අවධානය යොමු කරන විට අතීතයේ සදුන් කුංකුම වත තවරා රන්වන් රුවක් ලබන සිත් ඇතිව පරිස්සමට සමට සත්කාර කරන්නට පැවති සිතුවිලි දාමයන් වර්තමාන යුවතියන් අතර කාලයේ වේගයත් සමඟ වෙනසකට ලක් වන්නට විය. එම සිතුවිලි තුලට ප‍්‍රධාන වශයෙන් ක්ෂණික බව සහ ඉක්මන් බව යන න්‍යායන්  ඇතුලූ වීම මත පෙරකල යුවතියන් අතර පැවති සිතුවිලි වර්තමාන යුවතියන් අතුරින් දුරස් වන්නට විය. ස්වභාවික ආහාරපාන වෙනුවට කෘති‍්‍රම ආහාර අනුභව රටාවකට සහ ස්වභාවික රුව අලංකරන ක‍්‍රම වෙනුවට කෘති‍්‍රම ආලේපන ගැල්වීමට යොමු වු යුවතියන් ඉක්මන් ප‍්‍රතිඵල ලබා ගැනීම එහි මුලික අරමුණ කරගෙන ඇත. වර්තමානය වන විට මිනිසා පාලනය කරන මාධ්‍ය නැමැති අධිපතියා මෙන්ම කාර්යබහුලත්වය මෙන්ම යාන්ති‍්‍රකරණය ජීවන රටාවට එකතු වීම මත කාන්තාවන් තුල මෙවැනි ආකල්පයන් වර්ධනය වීමට හේතු සාධක විය. සුදු හමට ලැබෙන වර්තමාන සමාජ ගරුත්වය මෙන්ම ජනපි‍්‍රයත්වය මත කාන්තාවන් සුදුහම ලබා ගැනීමට මාර්ගයන් සොයමින් සැරිසරන්නේ සියල්ලන් අතර තමා කෑපී පෙනෙන්නට විය හැකිය.

                    

                                                                     තරුණ පෙනුම බොහෝ කල් රැක ගැනීමට සහ සම සුදු කර ගැනීමට අද යුවතියන් සහ කාන්තාවන් දරන උත්සාහයද උන්මාදයක් බවට පත්වී ඇත. උපතින් හිමි තම ශරීර වර්ණය රැක ගැනීමට වඩා සුදු පැහැයට ලොල් වු කාන්තාවන් තම සම සුදුපැහැ කර ගැනීම වෙනුවෙන් තමන්ට හැකි  ඕනෑම මුදලක් වියදම් කරන්නට, අහිතකර  බව දැන දැන  ඕනෑම ආලේපනයක් සම තුල ගැල්වීමට දැඩි කැමැත්තක් පලකරයි. මිනිස් අවශ්‍යතාවන් පිළිබද සැලකිලිමත් වන වෙළදපල නැමැති අධිපතියා මෙම යුවතියන්ගේ උන්මාදය හොදින් වටහා ගෙන නොයෙකුත් නාමයන්ගෙන් යුවතියන් උදෙසා සම සුදුපැහැ ගැන්වීමට ආලේපයන් හදුන්වා දි ඇත. සති දෙකෙන්, මාසයෙන් සුදුවිය හැකි බවත්, ආටෝපයන් පුරවා ගෙන සිටින ජනපි‍්‍රය යැයි කියන බෝනික්කු බබාලා මාධ්‍යයෙහි තිරය මතට ගෙන එමින් ඔවුන් හරහා යුවතියන්ට මෙය පොළඹවන ආත්මාර්ථකාමී කි‍්‍රයාදාමයක් කි‍්‍රයාත්මක වෙමින් පවති. තමන් සුදු වුයේද මේ ආලේපය ගැල්වීමෙන් යන මුසාබස් මුදලට ලොල් වීම මත දොඩවන මෙවන් නිලියන් සුන්දරත්වය උපතින්ම හිමිකර ගත් ලාංකීය යුවතියන්ගේ රුව විකෘති කරමින් පවති.  පාසල් දැරියන්ගේ සිට මහළු කාන්තාව දක්වා මෙවැනි එකරැයින් සම සුදු කරන ආලේපයන් භාවිතා කරන්නට යොමු වී ඇත්තේ හම සුදු කර ගැනීමට පවතින මානසික සිතුවිල්ල මතය. හම සුදුවට ඇත්නම් සමාජයේ බොහෝ ප‍්‍රසාදයන් හිමිවන මෙවන් සමාජයක සායමක් හෝ තවරාගෙන සුදුවීමට ඇත්නම් එයද කරන තත්වයකට අද කාන්තා සිතුවිලි ගෙනවිත් ඇත. සම සුදු කරන නිෂ්පාදනයන් අතර බ්ලීචිං කී‍්‍රම් වර්ග ප‍්‍රධාන ස්ථානයක් හිමි කරගෙන ඇති අතර එමගින් ඉතාමත් කෙටි කලකදි සම සුදුපැහැ කරයි. ගෝරි, ගෝල්ඩන් ෆල්, තායිරෝස් වැනි වෙළදපල තුල රජ කරන එවැනි කී‍්‍රම් මගින් වන්නේ සමේ ස්වභාවික මෙලනින් තත්වය පාලනය කර සම තුල පිළිස්සීමේ කි‍්‍රයාදාමයක් මත සුදු පැහැයට හැරවීමයි. එමගින් සමෙහි ස්වභාවිකත්වය මෙන්ම නිරෝගි බවද විනාශ කරන අතර සමට හානිකර ප‍්‍රතිඵල රාශියක් එමගින් අතුරු ප‍්‍රතිඵල ලෙස ලැබේ. සම මත පැල්ලම් ආකාරයේ ලප මෙන්ම, සම මත තුවාල ඇතිවීම, බිබිලි දැමීම මෙන්ම පැවති තත්වයට වඩා විකෘති වර්ණයක් එම සුදුවීමේ කෙටි කාලසීමාවෙන් පසු අත්විදීමට සිදුවේ. මෙය බොහෝ වර්තමාන කාන්තාවන් මුහුණ දෙන ගැටළුවකි. මෙසේ ඇතිවන අහිතකර ප‍්‍රතිඵලයන්ගෙන් පසුව විවිධ රෝගාබාධයන්ට මුහුණ දීමටද සිදුවේ. එම නිසා කාන්තාවන් වශයෙන් මෙවැනි ආලේප තෝරා ගැනීමේ දී සැලකිලිමත් විය යුතු අතර තම සම ආරක්ෂා කර ගැනීමට කටයුතු කල යුතුය.

                        

                                                   යුවතියක් වශයෙන් ඔබ සුන්දර වියයුතුය. එයට සුදු හමක් අවශ්‍යය නොවේ. අවශ්‍ය වන්නේ නිරෝගිමත් පැහැපත් දැකුම්කළු බවකි. එයට ශරීර වර්ණය බාධාවක් නොකර ගත යුතුය. ශ්‍රී ලාංකීය ස්වභාවික පරිසරයට ගැලපෙන අයුරින් ස්වභාවික දේ භාවිතා කිරීමට යුවතියක් වශයෙන් කටයුතු කල යුතුය. හිතකර අහිතකර බව නොසලකිමින් නිෂ්පාදනය වන මෙවැනි ආලේපයන්ගෙන් ප‍්‍රවේශම් වීමට ඔබට හැකියාවක් පැවතීම අත්‍යවශය. මන්ද එය ඔබගේ අනාගත ජීවිතයටද බලපෑමක් වියහැකි බැවිනි. සම සුදු කර ගැනීමේ උන්මාදයෙන් මිදී නිරෝගී සමක් පවත්වාගෙන යාමට කාන්තාවක් වශයෙන් සිය ආලේපයන් තෝරා බේරා ගැනීමට තරම් බුද්ධිමට්ටමක් තමන් විසින්ම ගොඩනගා ගතයුතුය. නැතිනම් මාධ්‍ය තිරය මත බෝනික්කුවන් නිලියන් පෙන්වා දෙන මායා ලෝකයේ ඔබ අතරමන් විය හැකිය. එහි ලැබෙන ප‍්‍රතිඵලයද භයානකය. ශරීරයක නීරෝගිකම සිය දියුණුවේ මුලික උපක‍්‍රමය බව සිහි තබා ගතයුතුය. බ්ලීචිං අඩංගු ආලේපයන්, එන්නත් ක‍්‍රම, බෙහෙත් කරල් භාවිතය වැනි එක රැයෙන් සම සුදු කරන්නට පැමිණ ඇති ක‍්‍රමවේදයන් මගින් ඔබ සම සුදු කරනවා වෙනුවට සම විකෘති කිරීමක් සිදුකරන බව අමතක නොකල යුතුය. යුවතියක් වශයෙන් සුන්දරත්වය මත සම සුදු කර ගැනීමේ උන්මාදයක් මත ගොදුරුවන මෙවැනි නිෂ්පාදකයන්ගෙන් මිදී සුදු සම වෙනුවට නිරෝගී සමක් පවත්වාගෙන යාමට කටයුතු කරන්නේ නම් අද මෙන්ම හෙටද අනාගතය තුල ද එකලෙස සිය රූ සපුවේ සුන්දරත්වය රැකගත හැකි බව මතක තබා ගතයුතුය.