වල්වැදෙන පේ‍්‍රමයේ යථාර්තය
වයස් භේදයකින් තොරව තාරුණ්‍යයේ වැඩිදෙනෙකු කථාබස් කරන අත්විදින හැඟීමකි පේ‍්‍රමය. පේ‍්‍රමය වු කලී අතිසංකීර්ණ මාතෘකාවකි. එහෙයින් ඒ පිළිබදව අර්ථකතන සැපයීමට හෝ නිර්වචන දීම මහත් වු අසීරු කර්ත්‍යවයකි. මෙය බොහෝ විට එකිනෙකා අත්විදින හැගීම් මත ඔවුනොවුන් අර්ථකතනය කරන හැඟිමකි. සමහරෙකුට පේ‍්‍රමය පුජනීය, උත්තරීතර හැගීමකි. නමුත් ඒ අතුරින් තවකෙකුට ජීවිතය විනාශ මුඛයට ඇදදැමු ගිණි පුපුරකි. ඒ කෙසේ වුවද සමස්ථ ලෝක ධර්මයාට පේ‍්‍රමය බලපානුයේ නන් අයුරින් වග අප කවුරුත් දන්නා යථාර්තයයි. නමුත්,
”
''ජීවිතයේ අමෘත පානය පේ‍්‍රමයයි,
''ජීවිතයේ අමෘත පානය පේ‍්‍රමයයි,
පේ‍්‍රමය කියන්නේ ජීවිතයයි”
ලෙස ජෝසෆ් ජෝන්ස්ටන් දැක්වු අර්ථකතනය වැඩි පිරිසකගේ පිළිගැනීමයි. අත්විදි හෝ අත්විදින වැඩි දෙනෙකු පේ‍්‍රමය නැමැති හැගීම ජීවිතයට අත්‍යවශ්‍ය බව පිළිගනි. ඔවුන් එය සොයා යයි. එය සැබෑවකි. මිනිස් ජීවිතයේ පැවැත්ම උදෙසා පේ‍්‍රමය නම් මානවීය බැදීම අත්‍යවශ්‍ය සාධකයක්ය. ඒ අතුරින් යොවුන් පේ‍්‍රමයට හිමිවනුයේ සුවිශේෂි තැනකි. හිරිමල් යෞවනය එළඹෙත්ම පේ‍්‍රමයේ මල්හීසර වැද ජීවිතය සුන්දර මෙන්ම අසුන්දර කරගන්නා උත්තුංග පේ‍්‍රමවන්තයින් සමාජයේ අදවන විට විරල නොවනු ඇත.
ජීවීතයේ දී මාපිය දුදරු පේ‍්‍රමය, සහෝදර පේ‍්‍රමය, ආධ්‍යාත්මික පේ‍්‍රමය, ලෞකික පේ‍්‍රමය ආදී විවිධ ප‍්‍රභේද යටතේ පේ‍්‍රමය නැමැති හැඟිම අපට උරුම වේ. නමුත් වර්තමාන සමාජ වටපිටාවට අනුව හිරිමල් යෞවනයේ වැඩිදෙනෙකු සොයා යන්නේ තම යෞවනත්වයේ විරුද්ධ පාර්ශවයකින් ලැබෙනා පේ‍්‍රමයකටයි. වැඩි පිළිගැනීමකට අනුව එය හරි සුන්දරයි. එම නිසා අකුරු ශාස්ත‍්‍රයවත් හරිහැටි අවසන් නොකර ජීවිතයේ පළමු තැන මෙම පේ‍්‍රමනීය හැඟීම වෙත යොමු කිරීමට ඔවුන් උත්සහ ගනී. එය ජීවිතයේ සියල්ල සර්ව සම්පුර්ණ කිරීමට ප‍්‍රමාණවත් බව ඔවුනගේ මතවාදයයි. මෙයට රැල්ලට යන සමාජ වටපිටාව ද බලපෑම් කරන අතර ඔවුනොවුන් එවැනි සමාජ බිල්ලන්ට කොටුවීම මත නිවැරදි මාර්ගය නොදකි. එනමුත් නවයෞවනයන් වැඩි දෙනෙකුට එයින් අත්වී ඇති ඉරණම ඛේදවාචකයකි. ජීවිතයේ තමන් යායුතු මාර්ගය හරිහැටි තීරණය කලයුතු මෙවන් සමයක හැඟී වලට මුල්තැන දී තීරණ ගැනීම මත බොහෝ පිරිසක් එහි විනාශකාරී අත්දැකීම් වලට මුහුණදීමට සිදුවී ඇත.
නවීන පන්නයට අනුව හැඩවැඩ වන විලාසිතාවන්ගෙන් ද, හමේ පැහැයට වැඩි කැමැත්තක් මුල් ස්ථානයක් හිමිකර දෙන යෞවනයන් පේ‍්‍රමය නැමැති හැගීම ඇතිවීමට ද මෙවැනි පටු ආකල්පයන් මත මුල්ස්ථානය ලබාදෙයි. එයා හරි හැන්සම්, එයා ගොඩක් පොෂ් යන නවරැල්ලේ වචනාර්ථ කොයිකා අතරත් සිත්තුල තැම්පත් වී ඇත. ලස්සන රුවක් දුටුවිට අපගේ දෑස් ඒ වෙත යොමු වීම ස්වභාවික සංසිද්ධියකි. නමුත් පේ‍්‍රමය නැමැති හැගීම් වලට එවැනි ලක්ෂණයන්ට පෙර එකිනෙකාගේ හැඟීම් ආකල්පයන් ගලපා ගැනීම සිදුකල යුතුය. එක් වහලක් යටට පැමිණ ජීවත් වීමට හැකි වටපිටාවක් භෞතික වශයෙන් මෙන්ම මානසික වශයෙන්ද නිර්මාණය කර ගැනීම වැදගත් වේ. මන්ද නොගැලපීම් මත ඇති කර ගන්නා පේ‍්‍රමයන් මත යුගදිවියට යන බොහෝ පිරිස් නොගැලපීම් ගලපා ගන්නට උත්සහ ගනී. නමුත් ඒ වන විට ඔවුන් ජීවීතය නොගැලපීම් වලින් බැදී අවසන්ය. මෙහි යථාර්තය අවසානයේ දෙදෙනා දෙපැත්තකට වීම හෝ එකිනෙකා කෙරෙහි වෛර සිත් බැදීමයි. එම නිසා සුදට, රූපයට නොව ආකල්පයන් දෙස බලා ගැලපීම් මත හැගීම් ඇතිකර ගැනීම උචිත කි‍්‍රයාපිළිවෙතයි.
සමාජය පිළිබදවත් හරිහැටි අවබෝධයක් නොමැතිව පාසල් සමයේම මෙවැනි ජීවීත තීරණ ගැනීමට අදවන විට බොහෝ යෞවන පිරිස් යොමුවෙයි. දෙමාපිය, සහෝදර පේ‍්‍රමය පසකලා වෙනත් පුද්ගල පේ‍්‍රමයන් සොයා යාම වර්තමාන නව යෞවනයන්ගේ සුලභ ලක්ෂනයකි. නමුත් එවැනි පේ‍්‍රමයන්ට ඇත්තේ කෙටිආයු කාලයක් පමණි. අතීතයේ පුද්ගලයන් පේ‍්‍රමය නැමැති හැගිම් පිළිබද තීරණ ගත්තේ තම ජීවිතයද ගලපා ගනිමින්ය. ජීවිතයට ගැලපෙන අයුරින් තම සහකරුවා හෝ සහකාරිය තෝරා ගැනීම මත ඔවුනගේ බැදීම් ශක්තිමත් අත්තිවාරම් බැන්දහ. නමුත් එම තත්වය වර්තමාන ලාංකීය සමාජයේ ගිලිහෙමින් යයි. වල්වැදි යන පේ‍්‍රමයන් නිසා විවාහයන් බොහොමයක් අසාර්ථක අන්දමින් ගෙවෙයි.
තමන්ගේ ජීවිතයට කොටස්කරුවකු තෝරා ගැනීමේදී මොහොතක් මේ පිළිබදවද අවධානය යොමු කරන්න. රැල්ලට යන සමාජයට අනුව ජීවීතය ගසාගෙන යන්නට ඉඩනොදී අනාගතය දෙස දුරදක්නා නුවණින් බලා තීරණ ගන්න. පේ‍්‍රමය නැමැති හැගීම හරිහැටි තෝරාබේරා ගනිමින් එහි සැබෑ සුන්දරත්වය අත්විදින්නට උත්සහ ගැනීම මත ඔබේ ජීවිතය ද සාර්ථක ගමනක් ගෙනයයි. එම නිසා පේ‍්‍රමයට පෙර ජීවිතය ගලපා ගනිමින් තීන්දු තීරණ ගැනීම වර්තමානයේ වල්වැදෙන බැදීම් වලින් මිදි ජීවත් වීමට පිටිවහලක් කරගන්න. එය ඔබගේ හෙට අනාගතය එළිය කරයි. එම නිසා වල්වැදී යන පේ‍්‍රමයකට ඔබේ ජීවිතයද ගසාගෙන යන්නට ඉඩ නොදි එහි යථාර්තය හරිහැටි තෝරාගෙන ජීවිතය දකින්නට තරුණ අප කවුරුත් උත්සහ ගතයුතුය.
Niyamaai disno
ReplyDeletethanks chala
DeleteEketh heti neda
ReplyDeleteekane
DeleteIts very important for every lover.....
ReplyDeletethanks sano
Deletekeep it up nangi
ReplyDeletethanks aiye
Deletewatina lipiyak ...godak wedagath
ReplyDeletekeep it up
ReplyDelete